LAMENTU PI LA ME SICILIA ... E sgrananu rusari migghiara di scialli niuri, e conzanu artarini migghiara di cori niuri … Arreri lu vadduni lavinara asciutti e l’erva rinsicchìa, e lacrimi agghiuttuti di la terra non ci la fannu a risbigghiari la campìa ca lenta si ni mori. Carni di la Sicilia, ‘nzitata cu la carni di tuttu lu munnu, vurrocala la to pacenzia, cummogghiala cu lastruni di lava ‘nfucata di l’eterna raggia; leviti li robbi umili di serva e vestiti cu li curazzi di li nostri eroi. E a cu’ ti disprizzìa, Sicilia mia, dicennu ca lu tempu cca passa a la riversa, e si fa vantu di li so’ minzogni mustrannu trazzeri spirduti nta deserti, fimmini ‘ncupunati cu lutti antichi, coppuli malantrini e lupari mafiusi, ammustraci l’asfaltu di li to’ citati, li cimineri addumati notti e jornu, l’occhi giniusi, li facci risulenti di li fimmini toi. Parraci cu la poesia, l’arti, l’ingegnu di li to’ figghi, ca non fetunu di sarvaggiu. Faccillu sapiri ca non sapemu sunari sulu marranzani e friscaletti. Facci sapiri puru ca non rintronanu chiui li zocculi di li scecchi e li miòla di carretti, e non profumi sulu di zagara e lumìa. Sbuttaccilla ‘n-faccia la virità a li “sapienti” sinu ca la ‘mmiria ci scattìa puru li vini. … E jocanu a trissetti nta lu quarteri ghettu di New York.
Angelo Squillaci LAMENTO PER LA MIA SICILIA … E sgranano rosari migliaia di scialli neri, e infiorano altarini migliaia di cuori tristi … Dietro il dirupo torrenti asciutti e l’erba si dissecca, e lacrime inghiottite dalla terra non ce la fanno a risvegliare la campagna che lentamente muore. Carne della Sicilia, innestata nella carne del mondo intero, seppellisci la tua pazienza, coprila con lastroni di lava infuocata dall’atavica rabbia; togliti gli umili panni di serva ed indossa le armature dei nostri eroi. E a chi ti disprezza, Sicilia mia, dicendo che il tempo qui passa a ritroso, e si fa vanto delle sue menzogne mostrando trazzere sperdute in luoghi desolati, donne imbacuccate con vecchi abiti da lutto, coppole malandrine e lupare mafiose, mostragli i grandi viali delle tue città, le ciminiere che ardono notte e giorno, gli occhi incantevoli, i volti ridenti delle tue donne. Parlagli con la poesia, l’arte, l’ingegno dei tuoi figli, che non puzzano come selvaggi. Fagli sapere che non sappiamo suonare solo marranzani e zufoli. Fagli sapere pure che non risuonano più gli zoccoli dei muli e le ruote dei carretti, e non profumi solo di zagara e limoni. Gridagliela in faccia la verità ai “saccenti” così che l’invidia gli farà scoppiare le vene. … E giocano a tressette in un quartiere ghetto di New York.
|